آه بیز مدرن چکیریک دردلریمیزی :
يكشنبه, ۱۲ ارديبهشت ۱۴۰۰، ۰۷:۱۶ ب.ظ
من تکجه دوغوم گونومده دوغولمادیم آنا
تکجه مزاریمین اوستونده یازیلاجاق
اؤلوم گونومده، اؤلمهیهجم
مینلرجه دوغوم گونو وار ایچیمده
مینلرجه اؤلوم گونو
آی ی ی ی ی ی ی آنا
بیز مدرن چکیریک دردلریمیزی!
بیز آیریلامادیق رؤیالاریمیزدان
و رئال، جان قیزدیرمیر هئچ
آه بیز مدرن چکیریک دردلریمیزی
گولومسهلی پروفایل شکیللر پایلاشیریق فیسبوکدا، تلگرامدا، اینستاگرامدا
و بوتون گرامچیلار، لایک الیرلر
بیز مدرن چکیریک دردلریمیزی
آغلایانیمیز یوخ
دینلهیهنیمیز یوخ
اؤپهنیمیز یوخ
کؤنلون ایستهدییین قدهر تبریک یازانیمیز وار دوغوم گونوموزده.
گزیده ای از کتاب : چراقسیز گزمک دی سنی سئومک
از سپیده رسولی
۰۰/۰۲/۱۲